ਤਾਜਾ ਖਬਰਾਂ
ਜਲੰਧਰ - ਬੀਤੀ ਰਾਤ ਲਗਭਗ 11:30 ਵਜੇ ਜਲੰਧਰ ਦੇ ਗੁਰੂ ਨਾਨਕ ਮਿਸ਼ਨ ਚੌਕ ਨੇੜੇ ਇੱਕ ਦਰਦਨਾਕ ਸੜਕ ਹਾਦਸਾ ਵਾਪਰਿਆ। ਇੱਕ ਤੇਜ਼ ਰਫ਼ਤਾਰ ਸਕਾਰਪੀਓ, ਜਿਸ ਵਿਚ 3 ਤੋਂ 4 ਨੌਜਵਾਨ ਸਵਾਰ ਸਨ, ਨੇ ਇੱਕ ਕ੍ਰੇਟਾ ਕਾਰ ਨੂੰ ਓਵਰਟੇਕ ਕਰਨ ਦੀ ਕੋਸ਼ਿਸ਼ ਕੀਤੀ। ਇਹ ਕੋਸ਼ਿਸ਼ ਉਸ ਵੇਲੇ ਘਾਤਕ ਸਾਬਤ ਹੋਈ ਜਦੋਂ ਸਕਾਰਪੀਓ ਕੰਟਰੋਲ ਤੋਂ ਬਾਹਰ ਹੋ ਗਈ ਅਤੇ ਕ੍ਰੇਟਾ ਨਾਲ ਜਾ ਟਕਰਾਈ। ਟੱਕਰ ਇੰਨੀ ਭਿਆਨਕ ਸੀ ਕਿ ਸਕਾਰਪੀਓ ਤਿੰਨ ਵਾਰੀ ਪਲਟ ਗਈ ਅਤੇ ਸੜਕ ਦੇ ਪਾਸੇ ਡਿੱਗ ਪਈ।
ਚਸ਼ਮਦੀਦਾਂ ਅਨੁਸਾਰ ਦੋਹਾਂ ਵਾਹਨਾਂ ਨੂੰ ਗੰਭੀਰ ਨੁਕਸਾਨ ਹੋਇਆ, ਪਰ ਚਮਤਕਾਰਿਕ ਤਰੀਕੇ ਨਾਲ ਕਿਸੇ ਦੀ ਜਾਨ ਨਹੀਂ ਗਈ। ਸਕਾਰਪੀਓ ਵਿੱਚ ਸਵਾਰ ਨੌਜਵਾਨਾਂ ਨੂੰ ਸਿਰਫ਼ ਹਲਕੀਆਂ ਸੱਟਾਂ ਆਈਆਂ, ਜਦਕਿ ਕ੍ਰੇਟਾ ਚਾਲਕ ਵੀ ਕਿਸੇ ਵੱਡੀ ਚੋਟ ਤੋਂ ਬਚ ਗਿਆ। ਹਾਲਾਂਕਿ, ਦੋਹਾਂ ਵਾਹਨਾਂ ਦੀ ਹਾਲਤ ਹਾਦਸੇ ਦੀ ਤੀਵਰਤਾ ਨੂੰ ਦਰਸਾਉਂਦੀ ਹੈ।
ਹੈਰਾਨੀ ਦੀ ਗੱਲ ਇਹ ਰਹੀ ਕਿ ਸਵੇਰੇ 10 ਵਜੇ ਤੱਕ ਲਗਭਗ 10 ਘੰਟਿਆਂ ਬਾਅਦ ਵੀ ਦੋਵੇਂ ਵਾਹਨ ਹਾਦਸੇ ਵਾਲੀ ਥਾਂ ਉੱਤੇ ਪਏ ਰਹੇ। ਆਵਾਜਾਈ ਪ੍ਰਭਾਵਿਤ ਰਹੀ ਅਤੇ ਸਥਿਤੀ ਨੂੰ ਸੁਧਾਰਨ ਦੀ ਜ਼ਿੰਮੇਵਾਰੀ ਨਿਭਾਉਣ ਦੀ ਥਾਂ, ਸਥਾਨਕ ਪੁਲਿਸ ਸਿਰਫ਼ ਚਲਾਨ ਕੱਟਣ ਵਿੱਚ ਵਿਅਸਤ ਨਜ਼ਰ ਆਈ। ਨਾ ਤਾਂ ਕਿਸੇ ਵੱਡੇ ਅਧਿਕਾਰੀ ਨੇ ਮੌਕੇ ਦਾ ਜਾਇਜ਼ਾ ਲਿਆ ਅਤੇ ਨਾ ਹੀ ਵਾਹਨਾਂ ਨੂੰ ਹਟਾਉਣ ਦੀ ਜ਼ਰੂਰੀ ਕਾਰਵਾਈ ਕੀਤੀ ਗਈ, ਜਿਸ ਕਾਰਨ ਲੋਕਾਂ ਵਿੱਚ ਨਾਰਾਜ਼ਗੀ ਦੇ ਜਜ਼ਬਾਤ ਵੀ ਵੇਖਣ ਨੂੰ ਮਿਲੇ।
Get all latest content delivered to your email a few times a month.
